*క్షీరాబ్ధి ద్వాదశిని పురస్కరించుకుని ఔషధ మొక్కల ఉచిత పంపిణీ*

 *క్షీరాబ్ధి ద్వాదశిని పురస్కరించుకుని ఔషధ మొక్కల ఉచిత పంపిణీ*

👉 జాగృతి అభ్యుదయ సంఘం ఆధ్వర్యంలో హెచ్. యమ్.డి.ఎ సహకారంతో పంపిణీని ప్రారంభించిన వనస్ధలిపురం ACP శ్రీ పల్లె కాశి రెడ్డి.

👉"మొదటి ముద్ద" వద్ద కార్తీక పౌర్ణమి వరకు 3000 మొక్కలు పంపిణీ ఉంటుంది... భావన శ్రీనివాస్.

      

                                           

                                            

                                            

        కార్తీక మాసం క్షీరాబ్ధి ద్వాదశి సందర్భంగా జాగృతి అభ్యుదయ సంఘం ఆధ్వర్యంలో వనస్ధలిపురం గణేష్ టెంపుల్ సమీపంలోని "మొదటి ముద్ద" వద్ద ఉసిరి, తులసి, మారేడు, కలబంద, ఇన్సులిన్, అశ్వగంధ, రణపాల, గోరింటాకు లాంటి 17 రకాల ఔషధ, పండ్ల, పూల మొక్కల పంపిణీకి ముఖ్య అతిథిగా వనస్ధలిపురం ACP శ్రీ పల్లె కాశి రెడ్డి విచ్చేసి ఘనంగా ప్రారంభించారు. మొక్కల కోసం ఉదయం 10.00 గంటలకు పెద్ద ఎత్తున బారులు తీరిన భక్తులనుద్దేశించి కాశి రెడ్డి గారు మాట్లాడుతూ మన పూర్వికులు రూపొందించిన పండుగల పరమార్థం అంతా పర్యావరణ/ఆరోగ్య పరిరక్షణే అని ప్రత్యేకించి కార్తీకంలో C విటమిన్ సమృద్ధిగా ఉండే 'ఉసిరి' ని ఏదొక రూపంలో కడుపులోకి తీసుకోవాలని, ఉసిరి చెట్టుకి పూజలు చేయాలంటే చెట్లు పెంచుకోవాలని, చలికాలం కాబట్టి ఊపిరి తిత్తుల సంబంధిత వ్యాధులు రాకుండా ఉసిరి కాపాడుతుందని అన్నారు.      ప్రకృతి సమతుల్యత దెబ్బతినడం కారణంగా మొంథా తుఫాన్ లాంటి ప్రకృతి వైపరీత్యాలు తరచూ సంభవిస్తున్నాయని, మొన్నటి మొంథా తుఫాన్ కారణంగా రెండు తెలుగు రాష్ట్రాల్లో ప్రాణనష్టంతో పాటు పెద్ద ఎత్తున పంట నష్టం, ఆస్తి నష్టాలు చవి చూడాల్సి వచ్చిందని, భవిష్యత్ లో ఇలాంటి నష్టాలను నివారించడానికి ప్రతి పౌరుడు విధిగా పర్యావరణ అనుకూల జీవన శైలిని దినచర్యలో భాగం చేసుకోవాలని, విచక్షణా రహితంగా చెట్లు నరికే వారిపై పౌరులు ధైర్యంతో యోధుల్లా పోరాడి ప్రకృతి సమతుల్యతను కాపాడుకోవాలని, అటువంటి వారికి పోలీస్ శాఖ అండదండలు ఎల్లప్పుడూ ఉంటాయని అన్నారు. తను కూడా వారి ఇంటి పైన ఎంతో ఇష్టంగా మిద్దె తోటలు పెంచుతున్నానని, వాటి నుండి   వచ్చే కాయలు, పండ్లు, కూరలు తెంపుకుని తినడంలో ఎంతో సంతృప్తి ఉంటుందని, కృత్రిమ ఎరువులు లేకుండా సహజ ఎరువులతో డాబాపైన పండించే ఆహార పంటలతో అనారోగ్యం దరి చేరదని అన్నారు. పర్యావరణ పరిరక్షణ కోసం 15 సంవత్సరాల పైగా కృషి చేస్తున్న జాగృతి అభ్యుదయ సంఘం సేవలను ACP అభినందించారు.                                                                                                                                                                                                                                                                                                                                       

                                                                                                                                                                                                                      

                                                                                                                                                                                                                                                                                                                                                                                                                                 

                                                         

                                                      

                                                                                                                                                                                                                                                                                                                                  

      జాగృతి అభ్యుదయ సంఘం ఛైర్మన్ భావన శ్రీనివాస్ అద్యక్షతన నిర్వహించిన ఈ కార్యక్రమంలో శ్రీరంగనాధ్, గాంధి, యాదా రామలింగేశ్వరరావు, చిత్తలూరి వేణు మాధవ్, గోపాల్ దాస్ రాము, రవీందర్ రెడ్డి, గుద్దేటి నర్సింహులు, పెయింటర్స్ యూనియన్ అద్యక్షులు మెండెం లక్ష్మణ్, యోగా మాస్టర్ రాకేష్, ఓబులేష్ యాదవ్, మహిళా భక్తులు పాల్గొన్నారు...

-భావన శ్రీనివాస్🙏