2010 నుంచి జాగృతి అభ్యుదయ సంఘం ఆధ్వర్యంలో ₹1 కే మట్టి వినాయక ప్రతిమల పంపిణీ
జాగృతి అభ్యుదయ సంఘం ఆధ్వర్యంలో ₹1 కే మట్టి వినాయక ప్రతిమల పంపిణీ
పర్యావరణ పరిరక్షణ మరియు మన సనాతన సంప్రదాయాల పునరుద్ధరణే లక్ష్యంగా 'జాగృతి అభ్యుదయ సంఘం' ఆధ్వర్యంలో వినాయక చవితి పర్వదినాన్ని పురస్కరించుకుని కేవలం ₹1 (రూపాయి) కే పర్యావరణహిత మట్టి వినాయక విగ్రహాల పంపిణీ కార్యక్రమం ఘనంగా నిర్వహించబడింది. 2010 వ సంవత్సరం నుండి వరుసగా ప్రతి ఏటా జాగృతి అభ్యుదయ సంఘం ఈ సామాజిక, పర్యావరణ సేవా కార్యక్రమాన్ని దిగ్విజయంగా కొనసాగిస్తోంది.
సమావేశంలో వక్తలు మాట్లాడిన ముఖ్యాంశాలు:
కార్యక్రమంలో ముఖ్య అతిథులుగా మరియు సంస్థ ప్రతినిధులుగా పాల్గొన్న వక్తలు సభను ఉద్దేశించి మాట్లాడుతూ:
పర్యావరణ పరిరక్షణ నాటి సంప్రదాయం: మన పూర్వీకులు అందించిన హిందూ పండుగల ఉద్దేశం ప్రకృతిని, మన ఆరోగ్యాన్ని కాపాడుకోవడమే అని ఉద్ఘాటించారు. చెరువులు, నదులలోని మినరల్స్ కలిగిన మట్టితో విగ్రహాలను తయారుచేసి పూజించడం వెనుక ఉన్న శాస్త్రీయతను వివరించారు.
ఇంటి వద్దనే నిమజ్జనం: కలుషితమైన మురికి నీళ్లలో కాకుండా మన ఇంట్లో పూజించిన మట్టి వినాయక స్వామి విగ్రహాన్ని ప్రతీ ఒక్కరూ తమ ఇళ్లలోనే బకెట్ లేదా తొట్టిలో మట్టి వినాయకుడిని నిమజ్జనం చేసి, ఆ మట్టిని కుండీలలోని మొక్కలకు వేయాలని పిలుపునిచ్చారు. తద్వారా వినాయకుడు మన ఇంట్లోని వృక్షాల రూపంలోనే నివసిస్తాడని తెలిపారు.
సంస్థ కృషికి అభినందనలు: గత 14 ఏళ్లకు పైగా సమాజంలో పర్యావరణ స్పృహను పెంపొందిస్తూ, రూ.1 కే మట్టి విగ్రహాలను అందిస్తున్న జాగృతి అభ్యుదయ సంఘం నిర్వాహకులను వారి బృందాన్ని వక్తలు ప్రత్యేకంగా అభినందించారు.
"భక్తితో పాటు ప్రకృతిని కూడా కాపాడుదాం – మట్టి వినాయకుడిని పూజిద్దాం, పర్యావరణాన్ని పరిరక్షిద్దాం” అనే సందేశంతో జాగృతి అభ్యుదయ సంఘం ఈ సేవా కార్యక్రమాన్ని నిర్వహించింది.
ఈ కార్యక్రమంలో వనస్థలిపురం మాజీ కౌన్సిలర్ వనిపల్లి శ్రీనివాస్ రెడ్డి, జాగృతి అభ్యుదయ సంఘం చైర్మన్ భావన శ్రీనివాస్, కార్యదర్శి శ్రీ రంగనాథ్, శ్రీరాములు గౌడ్, యాద రామలింగేశ్వరరావు, శరత్ నలమార, ఆనంద్,మరియు స్థానిక కాలనీవాసులు, మహిళలు, యువకులు మొదలైన వాళ్లు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
ఇట్లు,
చైర్మన్
జాగృతి అభ్యుదయ సంఘం
Comments
Post a Comment